नेपाल क्रिकेट सङ्घ (क्यान) का पदाधिकारीहरू बीच वैदेशिक भ्रमणमा जाने अस्वाभाविक होडबाजी देखिएको छ। राष्ट्रिय टोलीका लागि स्थायी रूपमा ‘टिम म्यानेजर’ नियुक्त गर्ने प्रक्रियालाई अलपत्र पार्दै पदाधिकारीहरू आफैँ पालैपालो म्यानेजर बनेर विदेश सयरमा निस्कने गरेका छन्।
टिम म्यानेजरले खेलाडीहरूको भिसा, हवाइ टिकट, बसोबास, खानपान र यातायातको प्रबन्ध मिलाउनुका साथै आयोजक संस्थासँग सीधा समन्वय गर्नुपर्ने हुन्छ। यति महत्त्वपूर्ण र प्राविधिक जिम्मेवारीका लागि खुला प्रतिस्पर्धाबाट स्थायी व्यवस्थापक चयन गर्न सुरु गरिएको आवेदन प्रक्रिया ओझेलमा पारिएको छ। यसरी दक्ष जनशक्ति पन्छाएर पदाधिकारीहरू आफैँ वैदेशिक यात्राको लाभ लिन केन्द्रित हुँदा क्यानको व्यवस्थापकीय कार्यशैलीमाथि गम्भीर प्रश्न उठेको छ।